Plantun de Prouvènço

Pèr coumpara dos planto d'encò nostre

Ceratophyllum demersum & Radula complanata

Courniflo

Ceratophyllum demersum

Ceratophyllaceae

Autre noum : Limoun.

Noms en français : Cornifle nageant, Cératophylle immergé.

Descripcioun :
La courniflo es uno planto d'aigo devengudo coumuno dins d'ùni relarg au nostre. Trachis dins li palun o li roubino ounte l'aigo èi pas trop mouvadisso. A tipicamen un biais en co de reinard. Se recounèis majamen à si fueio verticillado pèr 4 à 10, que dounon d'èr à de corno (courniflo) o de bano s'amès mies. Aquesto planto mostro que l'aigo, richo en minerau (poulucioun agricolo), èi pas trop bono e souvènt pas gaire claro (fotò). Es uno planto interessanto dóu poun de vist filougenetico que sèmblo uno meno primitivo de dicoutiledone.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 0,5 à 3 m
Fueio : verticilado
Tipe bioulougico : Idroufite
Cicle bioulougico : Planto renadivo

Gènre : Ceratophyllum
Famiho : Ceratophyllaceae

Ordre : Ceratophyllales

Coulour de la flour : Brunello
Petalo : >6
Ø (o loungour) flour : 3 à 5 mm
Flourido : Printèms - Estiéu

Sòu : ges
Autour basso e auto : 0 à 600 m
Aparado : Noun
Mai à juliet

Liò : Aigo
Estànci : Termoumediterran à Coulinen
Couroulougi : Cousmoupoulito
Ref. sc. : Ceratophyllum demersum L., 1753

Radulo-di-ramo-plano

Radula complanata

Radulaceae

Nom en français : Radule aplatie.

Descripcioun :
Aquesto epatico di proun coumuno se vèi eisadamen sus li pège e ramo d'aubre. Pu raramen trachis sus de roucas umide. Li fueio verdo à jaunastro soun dins lou meme plan e generalamen aplatado ; emé un lobe doursau redoun e un ventrau 2 à 4 fes pu pichot e un pau carra. I'a ges d'amfigastre. Li celulo soun eisagounalo emé un à dous ouleoucors (vèire li fotò).

Usanço :
Se pòu counfoundre emé Porella platyphylla, pamens soun lobe ventrau èi pu redoun e i'a d'anfigastre. I'a pulèu Radula linderbergiana, mai sourno e mountagnouso que fai gaire de periante (diouïco).

Port : Epatico à fueio
Taio : 2 à 5 cm
Fueio : ges
Tipe bioulougico :
Cicle bioulougico : Planto renadivo

Gènre : Radula
Famiho : Radulaceae

Ordre : Porellales

Coulour de la flour :
Petalo : ges
Ø (o loungour) flour : ges
Flourido : Printèms

Sòu : Ca
Autour basso e auto : 10 à 1600 m
Aparado : Noun

Liò : Pège - Ramo d'aubre - Roucas umide
Estànci : Mesoumediterran à Mountagnard
Couroulougi : Oulartico e Mediterrano
Ref. sc. : Radula complanata (L.) Dumort., 1831 (= Jugermannia complenata L., 1754 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

CCC

Ceratophyllum demersum & Radula complanata

ges

Coumpara Courniflo emé uno autro planto

Coumpara Radulo-di-ramo-plano emé uno autro planto